Lukas 10:25-37
Sa ebanghelyo karon adunay nangutana kang Jesus, "Unsay angay kong buhaton aron makadawat og kinabuhing dayon? Agi'g tubag, gisaysay ni Jesus ang sambingay sa Buotang Samaritano. Ang mensahe para kanato mao kini: Makasulod kita sa Gingharian sa Langit kon kita makamao maluoy ug mutabang sa mga nanginahanglan samtang nia pa kita sa yuta. Sa ato pa, matag higayon nga maghimo ta og buhat sa kaluoy, mag-anam kita og kaduol sa pinuy-anan sa Dios.
